Жаңа тағайындау

Аудан әкімінің әлеуметтік сала бойынша орынбасары болып Ілияш Нұржан Ағыбайұлы тағайындалды.
Нұржан Ағыбайұлы 1979 жылы 15 наурызда Татан ауылында өмірге келген.
Е.Бөкетов атындағы Қарағанды Университетін бүкіл әлем тарихы, құқықтану мамандығы бойынша бітірген.
Еңбек жолын Темірші ауылының орта мектебінде тарих пәнінің мұғалімі болып бастады. Осы мектеп директорының орынбасары, аудандық білім бөлімінің әдіскері, Д.Қонаев атындағы Университеттің оқытушысы болып еңбек етті.
2014 жылдан бастап мемлекеттік қызметте. Әр жылдарда Қарағанды облысының ішкі саясат бөлімінің бас маманы, аталмыш басқарманың мемлекеттік рәміздерді насихаттау және идеологиялық жұмысты ұйымдастыру бөлімінің басшысы, Қарағанды қаласының ішкі саясат бөлімінің басшысы болды.
Кейінгі жылдары Қарағанды облысының жастар саясаты мәселелері жөніндегі басқармасының басшысы, Қарағанды облысы әкімі аппаратының әлеуметтік сала және қоғамдық даму бөлімінің басшысы қызметтерін атқарды.