Мемлекеттік қызмет туралы

Мемлекеттік қызмет туралы

      

Қазақстанда мемлекеттік қызметті реформалау мемлекеттің тәуелсіздігіне қол жеткізген кезден басталды. Қазақстан Республикасының «Мемлекеттік қызмет туралы» Заңының негізінде 1999 жылы реформалар жүзеге асырылды, Мемлекеттік қызметтің нормативтік-құқықтық базасы әзірленді. Қазақстан Республикасының Президенті «Қазақстан Республикасы мемлекеттік қызметінің жаңа моделінің тұжырымдамасы туралы» Жарлығымен (бұдан әрі-тұжырымдама) 2011 жылы мемлекеттік қызметтің қазақстандық жүйесі қалыптастырылады.

Қазақстан Республикасындағы мемлекеттік қызмет оның жұмыс істеуінің белгілі бір қағидаттарына негізделеді, белгілі бір этикалық нормаларды басшылыққа алады. Мемлекеттік қызметтің қазақстандық моделі шет мемлекеттердің озық тәжірибесін және басқару мәдениетінің ұлттық дәстүрлерін үйлестіреді.

ҚР «Мемлекеттік қызмет туралы» Заңына сәйкес Мемлекеттік қызметші - мемлекеттік органда заңнамада белгіленген тәртіппен республикалық немесе жергілікті бюджеттерден не ҚР Ұлттық Банкінің қаражатынан ақы төленетін лауазымды атқаратын және мемлекеттің міндеттері мен функцияларын іске асыру мақсатында лауазымдық өкілеттіктерді жүзеге асыратын Қазақстан Республикасының азаматы.