Қарағанды облысының Достық үйінде «Диалог, сенім және медиация: Қазақстан Республикасы жаңа Конституциясының құндылықтарын іске асыру» тақырыбында облыстық Медиация кеңесінің кеңейтілген отырысы өтті.

Қазақстан медиаторлары күні қарсаңында өткен жиынға мемлекеттік органдар, сот жүйесі, ғылыми қауымдастық, кәсіби медиаторлар мен азаматтық қоғам өкілдері қатысты.

Отырыста медиация мен этномедиацияны дамыту, жанжалдардың алдын алу, қоғамдық келісім мен этносаралық бірлікті нығайту мәселелері талқыланды.

Жиынды ашқан облыстық ішкі саясат басқармасының басшысы Нұрлан Бикенов медиацияның әділеттілік, заң үстемдігі, өзара құрмет пен қоғамдық келісім құндылықтарын іске асырудағы маңызын атап өтті.