Мүгедектігі бар адамдарды жұмыспен қамту, жалақыны уақтылы төлеу және заманауи технологияларды енгізу мәселелері Қарағанды облыстық үшжақты комиссия отырысының негізгі тақырыптарына айналды

Ағымдағы жылдың екінші тоқсанында Қарағанды облыстық әлеуметтік әріптестік және әлеуметтік-еңбек қатынастарын реттеу жөніндегі үшжақты комиссияның отырысы өтті.

Отырыс барысында келесі мәселелер қаралды:

• Қазақстан Республикасының заңнамасына сәйкес облыс кәсіпорындарында мүгедектігі бар адамдар үшін арнайы жұмыс орындарын құру;
• кәсіпорындарда озық технологияларды енгізуді ескере отырып, негізгі құралдарды кезең-кезеңімен жаңарту;
• қызметкерлер алдындағы жалақы бойынша берешектің жай-күйі.

Үшінші мәселе бойынша Қарағанды облысы Мемлекеттік еңбек инспекциясы комитеті департаменті басшысының орынбасары Әлжан М.И. баяндама жасады.

Қаралған мәселелердің қорытындысы бойынша комиссия мүшелері тиісті ұсынымдар әзірлеп, мемлекеттік органдарға, жұмыс берушілерге және әлеуметтік әріптестерге азаматтардың еңбек құқықтарын қамтамасыз ету жөніндегі жұмысты күшейтуге, мүгедектігі бар адамдар үшін қауіпсіз әрі қолжетімді еңбек жағдайларын жасауға, сондай-ақ жалақы бойынша берешекті уақтылы өтеуге бағытталған тапсырмалар берді.