Діннің рөлі мәселелері мен ақпараттық-түсіндіру тобының жұмысының қорытындылары бойынша дөңгелек үстел

2025 жылғы 27 қарашада «Қасым үйінің» конференц-залында қоғамдық сананы жаңғыртудағы дін мен рухани құндылықтардың ықпалы, зайырлы мемлекеттегі діни институттардың қызмет ету қырлары және Қарағанды облысының ақпараттық-түсіндіру топтары мүшелерінің 2025 жылғы жұмысының негізгі нәтижелері қаралған дөңгелек үстел өтті.
Кездесу алаңында сараптамалық диалог арқылы конфессияаралық өзара түсіністікті қолдау және өңірлік ақпараттық-түсіндіру топтарының кәсіби әлеуетін дамытуға қатысты өзекті сұрақтар талқыланды. Іс-шараның түйінінде 2025 жылғы ақпараттық-түсіндіру топтары қызметінің басты көрсеткіштері жария етіліп, белсенділік танытқан қатысушыларға алғыс хаттар мен естелік сыйлықтар табысталды.