«Электрондық үкіметтің» порталында мүмкіндігі шектеулі тұлғаларға арналған 2 жаңа мемлекеттік қызмет іске қосылды

Енді eGov.kz-те ерекше қажеттіліктері бар адамдар үйде және медициналық-әлеуметтік мекемелерде арнаулы әлеуметтік қызмет көрсетуге құжаттарды ресімдеуге өтініш бере алады. Бұрын қызмет алу үшін ХҚКО немесе жергілікті атқарушы органға жүгіну қажет болатын.

Құжаттарды ресімдеуге өтінім беру үшін «электрондық үкіметтің» порталында тиісті қызметті таңдау, сұратылған ақпаратты толтыру, құжаттарды бекіту, ЭЦҚ немесе бір реттік пароль арқылы сұрау салуға қол қою қажет. Сұрау салу сәтті өңделген кезде мемлекеттік органнан жеке кабинетке өтінімнің орындалуы туралы хабарлама келеді. Порталда қызмет көрсету мерзімі үйде күтім көрсету жағдайында көмек алуға тілек білдірген пайдаланушылар үшін 14 жұмыс күнін және егер пайдаланушы медициналық-әлеуметтік мекемелерде қызмет көрсетуге өтінім берсе, 17 жұмыс күнін құрайды.