Ботақара кентінде жаңа тұрғын үй пайдалануға берілді

Наурыз мейрамы қарсаңында Ботақара кентінде жағымды жаңалық орын алды. Жаңадан салынған екі қабатты тұрғын үй халық игілігіне беріліп, бірнеше отбасы көптен күткен жаңа баспаналарына қол жеткізді. Заманауи талаптарға сай бой көтерген тұрғын үй барлық қажетті инженерлік инфрақұрылыммен толық қамтамасыз етілген. Атап айтқанда, әр пәтерге су, жылу және электр жүйелері жүргізілген. Сонымен қатар, тұрғындардың жайлы өмір сүруіне қолайлы жағдай жасау мақсатында аула аумағы абаттандырылып, балаларға арналған ойын алаңы орнатылды. Көгалдандыру жұмыстары жүргізіліп, аумақтың көркі арттырылды. Бұл бастама – тұрғындардың әл-ауқатын арттыруға және кенттің әлеуметтік дамуына бағытталған маңызды қадам.