Республикалық «Үздік педагог» конкурсын өткізу туралы

Республикалық «Үздік педагог» конкурсын өткізу туралы

 

"Үздік педагог" атағын беру қағидаларын бекіту туралы Қазақстан Республикасы Білім және ғылым министрінің 2015 жылғы 16 қаңтардағы № 12 бұйрығының (2020 жылы 23 сәуірде №157 бұйрығымен өзгерістер мен толықтырулар енгізілген)  негізінде, Үздік педагог» конкурсының І аудандық (қалалық) кезеңі 2022 жылдың сәуір айында өткізіледі.

Конкурс қорытындылары бойынша жеңімпаздарға ауданның (қаланың) "Үздік педагогы" атағы беріледі және куәлік тапсырылады. Аудандық (қалалық) кезеңнің жеңімпаздары конкурстың ІІ - облыстық кезеңіне қатысуға жолдама алады.

Конкурстың II кезеңі-облыстық, жыл сайын мамыр айында өткізіледі, онда үшінші-республикалық кезеңге қатысу үшін ұсынылатын конкурс жеңімпаздары айқындалады. Ағымдағы жылы конкурстың облыстық кезеңіне қатысу туралы өтінімдер электрондық форматта бөлім басшысының қол қойылған ұсынымымен 2022 жылғы 6 мамырға дейін қабылданады. Конкурс қорытындысы бойынша жеңімпаздарға облыстың "Үздік педагогы" атағы беріліп, куәлік тапсырылады."Үздік педагог" атағын иеленушіге "Педагог мәртебесі туралы" Қазақстан Республикасы Заңының 8-бабының 6-тармағына сәйкес жергілікті атқарушы органдар "2020-2022 жылдарға арналған республикалық бюджет туралы" 2019 жылғы 4 желтоқсандағы Қазақстан Республикасының Заңында белгіленген айлық есептік көрсеткіштің кемінде 300 еселенген мөлшерінде сыйақы төленеді.

Конкурстың ІІ кезеңінің нәтижелері бойынша жеңімпаздар үшінші кезеңге қатысу үшін жіберіледі. Конкурстың III кезеңі – Республикалық, жыл сайын тамыз-қыркүйек айларында, мұғалімдер күні қарсаңында өткізіледі.

"Үздік педагог" атағының иегеріне "Педагог мәртебесі туралы" 2019 жылғы 27 желтоқсандағы Қазақстан Республикасы Заңының 9-бабы 5-тармағында белгіленген мөлшерде сыйақы төленеді.