«Үздік педагог» атағын беру қағидаларын бекіту туралы» Қазақстан Республикасы Білім және ғылым министрінің 2015 жылғы 16 қаңтардағы №12 бұйрығына өзгерістер енгізу туралы Қазақстан Республикасы Білім және ғылым министрінің 2020 жылғы 23 сәуірдегі № 157 бұйрығына сәйкес облыста «Үздік педагог» республикалық конкурсының облыстық кезеңі өтті.
Биыл "педагог мәртебесі туралы" ҚР Заңына сәйкес конкурстың облыстық кезеңінің шарттарына жеңімпаздарға кемінде 300 еселенген айлық есептік көрсеткіш мөлшерінде сыйақы төлеу туралы өзгерістер енгізілді.
Байқаудың облыстық кезеңіне 104 мұғалім қатысты, оның ішінде 86 - мектепке дейінгі және орта білім беру, 8 – қосымша білім беру, 10-техникалық және кәсіптік білім беру педагогтері.
Ашықтықты қамтамасыз ету үшін сараптамалық комиссия және лауреаттарды іріктеу бойынша конкурстық комиссия құрылды, оған білім басқармасының, ҚР Сыбайлас жемқорлыққа қарсы іс-қимыл агенттігінің Қарағанды облысы бойынша департаментінің, ҚР «Қызыл Жарты Ай» қоғамы қоғамдық бірлестігінің Қарағанды филиалының, облыстық «Индустриальная Караганда» газетінің, «Қазақстандық салалық білім және ғылым қызметкерлері кәсіподағының Қарағанды облыстық кәсіподақ ұйымы» қоғамдық бірлестігінің, «Өрлеу» біліктілікті арттыру ұлттық орталығы, педагогикалық қызметкерлердің біліктілігін арттыру институты, Е. А. Букетов атындағы Қарағанды университеті, Қарағанды қаласындағы Назарбаев Зияткерлік мектебі өкілдері кірді.
14 педагог облыстық кезеңнің жеңімпаздары болды:
Жеңімпаздар дипломдармен марапатталып, 300 еселенген айлық есептік көрсеткіш мөлшерінде біржолғы төлем алды.
2 педагог республикалық кезеңнің жеңімпаздары болды:
Жеңімпаздар медальдармен марапатталып, 1000 еселенген айлық есептік көрсеткіш мөлшерінде біржолғы төлем алды.