Балқаш қаласында жаңа рентген кабинеттері ашылды.

Балқаш қаласында жаңа рентген кабинеттері ашылды.

Облыстың медициналық ұйымдарының ЖРВИ және тұмаумен сырқаттанушылықтың маусымдық көтерілуі, сондай-ақ коронавирустық инфекцияның ықтимал өсуі жағдайларында жұмыс істеуге дайындығы шеңберінде Балқаш қаласының екі емханасы мен орталық ауруханасына 4 жаңа цифрлық рентген аппараты жеткізілді. Құрылғыларды сатып алуға қажетті қаражат облыстық бюджеттен бөлінді, 1 рентген аппаратының құны 35 млн теңгені құрайды.

Рентген аппараттары Қазбекова көшесі, 25 мекенжайында орналасқан №1 емханаға, Сәбитова ш/а 24 а мекенжайында орналасқан №2 емханаға және орталық аурухананың инфекциялық және бас корпусына екі аппарат жеткізілген.

Енді құрылғының заманауи техникалық сипаттамаларына байланысты сурет сапасы жақсара түспек және уақытты үнемейді. 1 сағат ішінде орта есеппен 10 науқасқа дейін тексеруден өтуге болады.

Тексеріс нәтижелері дереу рентгенолог дәрігердің компьютеріне жіберіледі, алдын-ала суретке 3 секундтан кейін қарауға болады. Барлық ақпарат ақпараттық базада сақталады және емдеуші дәрігер оны әрдайым қолдана алады, белгілі бір патологияның динамикасын немесе емдеудегі оң өзгерістерді бақылай алады.
Аппараттардағы сәулелік жүктемені төмендету үшін науқастың дене бітіміне байланысты тексеру параметрлерін таңдауға мүмкіндік беретін автоматты бақылау жүйесі қолданылады.

Рентген аппараттарының жаңа моделінің артықшылығы - еден немесе аспалы нұсқауларды пайдалану мүмкіндігі бар. Науқас тексеру кезінде мүгедектер арбасында отырып, каталкада жатып немесе тексеру міндетіне байланысты тұра алады. U-тәрізді манипулятор әртүрлі клиникалық жағдайларда түсіруге мүмкіндік береді. Тегіс панельді детектордың үлкен анықтау аймағы бар - 43*43 см, бұл үлкен аудандарды 1 рет жоғары ажыратымдылықпен түсіруге мүмкіндік береді. Сондай-ақ, құрылғы кеуде қуысының немесе ас қорыту органдарының ең күрделі суреттерін бірлескен жарақаттармен немесе апаттардан жапа шеккен кезде алған баротравмаларды түсіруге мүмкіндік береді.

Жаңа рентген-кабинеттердің ашылуымен Балқашта тыныс алу органдары, жүрек, сүйек-буын жүйесі зақымданған науқастарға бірден көмек көрсетіп, қажетті ем-шараларды жүргізуге мүмкіндігі пайда болды.