Қарағанды облысының курорттық аймақтарында санитарлық бақылау мен туристер қауіпсіздігі күшейтіледі

Мемлекет басшысы туризм саласындағы проблемаларға назар аударып, қысқа мерзім ішінде барлық курорттық аймақтарды тәртіпке келтіруді тапсырды. Облыс әкімі Ермағанбет Бөлекпаев мемлекеттік органдар мен ведомстволар өкілдерінің қатысуымен жиын өткізіп, инфрақұрылым, сервис, баға, қауіпсіздік сияқты барлық бағыттар бойынша проблемалар белгіленді.
– Мемлекет басшысы туристер келетін орындарды тәртіпке келтіруді тапсырды. Маусым қызу жүріп жатыр, сондықтан барлық кемшіліктерді тез арада түзету керек. Өткен демалыс күндері Балқашта қалыптасқан жағдай күрделі мәселе туғызып, барлық мемлекеттік органдардың қатаң назарын талап етеді, – деді Ермағанбет Бөлекпаев. – Жыл сайын біз демалушылардың ағынын байқаймыз. Бірақ іс жүзінде сервис пен инфрақұрылым деңгейі бұрынғысынша сәйкес келмейтінін көріп отырмыз. Адамдар бұл мәселелерді орынды көтереді.
Ол өз аймақтарын күтіп ұстауға қатысты бизнестің жауапкершілігі үлкен екенін атап өтті.
– Біз сервитуттар жасадық – енді әркім жағажайға еркін бара алады. Бірақ бизнес не істеп жатыр? Көптеген кәсіпкерлер аумақтың жағдайын қадағалауды тоқтатып, бәрін әкімдікке жүктеді! – деді облыс әкімі.
Сондай-ақ, демалушыларға өз катерлері мен скутерлерін ұсынатын кеме иелеріне қатаң бақылау орнату қажет. Судағы ойын-сауық демалушылардың қасында орналасқан, бұл қауіп тудырады.
Тағы бір мәселе – қызмет көрсету саласы мен баға саясаты, кәсіпкерлер бағаны қалай қаласа солай өзгертеді.
Санитарлық инфрақұрылым да назардан тыс қалған жоқ. Қарағанды – Балқаш тас жолында қалыпты дәретханалардың жоқтығына қатысты шағымдар көп. «ҚазАвтоЖол» жоспарланған төрт санитарлық-тұрмыстық пункттің біреуін ғана іске қосты, қыркүйекке қарай тағы екеуін енгізуді уәде етеді. Ермағанбет Бөлекпаев бұл жұмысты жеделдету қажеттігін атап өтті.
Қарқаралыдағы туристер жағдайына қатысты кемшіліктер де талқыланды.
Туристік маусым кезінде демалыс орындарында дәрігерлер де, полиция де тұрақты кезекшілік етуі тиіс.
Облыс әкімі таяу күндері барлық бағыттар бойынша жан-жақты талдау жасауды тапсырды.