2021 жылдың 25 шілдесінде Балқаш қаласының бір сайлау округінде сайлау өтті.
Балқаш қалалық сайлау комиссиясы «Қазақстан Республикасындағы сайлау туралы» ҚР Конституциялық заңының 14 бабының 9) тармақшасына, 44 бабының 2 тармағына, 45 бабына, 113-10 бабына сәйкес, №206 учаскелік сайлау комиссиясының Балқаш қаласының кенті әкімін сайлау нәтижелері хаттамасы негізінде сайлау қорытындысын белгіледі:
Гүлшат кенті әкімін сайлау жөніндегі
Гүлшат сайлау округі
Аталған сайлау округі бойынша сайлаушылар тізіміне 234 азамат енгізілген, оның 194-і дауыс беруге қатысты. Жарамсыз болған бюллетендер жоқ. «Барлығына қарсы» - 2.
Әрбір кандидатқа берілген дауыс саны:
Ахметов А.Р. – 28; Кокобаев Н.О. – 4; Қасенхан Р.П. – 124; Молдабеков С.Б. - 36.
Сайлаушылардың басым көпшілігінің дауысын алған Қасенхан Расул Парменұлы Гүлшат кентінің әкімі болып сайланды. 1994 жылы туған, «Балқаш қаласы әкімі аппарата» ММ ұйымдастыру-инспекторлық бөлімінің бас маманы. Балқаш қаласында тұрады. «Nur Otan» партиясынан ұсынылған.
Балқаш қалалық сайлау комиссиясы