Ақтоғай ауданының әкімі С.Әбеуова аудандағы шағын және орта бизнес өкілдерімен кездесті. Кездесуде аудандық кәсіпкерлік және өнеркәсіп бөлімінің басшысы С.Аубакиров сала бойынша атқарылып жатқан жұмыстар туралы қысқаша баяндады. Кәсіпкерлер бірқатар өзекті мәселелерді ортаға салып, ұсыныс-пікірлерін жеткізді. Еркін форматта өткен жиында кәсіпкерлік өкілдері бизнесті қолдауға арналған мемлекеттік бағдарламалар, басталған құрылыс жұмыстарын аяқтау, кәсіпкерлік өкілдеріне бөлінген жер учаскелері тиімді, мақсатты пайдалану, үлкен елді-мекендерде әлеуметтік дүкендерді ашу, әлеуметтік маңызы зор азық-түлік және жанар-жағар май, газ бағаларының негізсіз өсуіне жол бермеу, санитариялық қауіпсіздікті сақтау, кәсіпкерлік нысандарын ашу, қайырымдылық шараларын ұйымдастыруды жалғастыру, бизнес нысандарының келбет сәулетін арттыру, маңайын абаттандыру т.б. жайлы көкейкесті мәселелер жөнінде пікірірлер алмасылды. Сонымен қатар кәсіп иелері келешекте жүзеге асыратын жобалары, халықпен бірлесіп ұйымдастырып жүргізетін тиімді шаралар жөнінде ойларын, ортақ пікірлерін айтты.