Жаңа жыл мерекесі қарсаңында аудан әкімі Салтанат Әбеуова өңірдің өркендеуіне елеулі үлес қосып жүрген бір топ сала мамандарын қабылдады. Ауданның әлеуметтік-экономикалық дамуына сүбелі үлес қосқан азаматтарды Жаңа жыл мерекесімен құттықтап, Қарағанды облысы ауыл шаруашылығы қайта өңдеу ұйымдары және мемлекеттік мекемелер қызметкерлерінің жергілікті кәсіподағының «Елеулі еңбегі үшін», «Қазақстан Тәуелсіздігіне 30 жыл» мерекелік медальдарын табыстады. Сондай-ақ, Президент Қасым-Жомарт Тоқаевтың Жарлығына сәйкес Covid-19 індетіне қарсы күресте ерекшеленгені үшін, аудандық жедел штабтың жұмысына, дәрі-дәрмек, қорғаныс құралдарын жеткізуге, әлеуметтік осал топтар санатына жататын азаматтарға басқа да қажетті көмек көрсетуге волонтер ретінде белсенді қатысқаны үшін Әсет Әбіл, Бекболат Мәжит және Сымбат Ерменбетова «Халық алғысы» медальімен марапатталды.