Кезекті жоспарланған аудан әкімдігі жанындағы сыбайлас жемқорлықтың алдын-алу жөніндегі комиссия отырысы өтті

Аудан әкімі А.Аманжоловтың төрағалығымен, кезекті жоспарланған аудан әкімдігі жанындағы сыбайлас жемқорлықтың алдын-алу жөніндегі комиссия отырысы өтті.

Отырысқа кент, ауыл, ауылдық округ әкімдері, мекеме мен бөлім басшылары қатысты.

Күн тәртібінде 2021-2025 жылдарға арналған кәсіпкерлікті дамыту жөніндегі ұлттық жобаның қатысушыларына жаңа бизнес идеяларды іске асыруға арналған гранттар бөлу кезінде туындайтын сыбайлас жемқорлық тәуекелдері және оларды алдын алу шаралары туралы, Қазақстан Республикасының сыбайлас жемқорлыққа қарсы саясатының 2022 – 2026 жылдарға арналған тұжырымдамасының орындалысы туралы мәселелер қаралды.

Комиссия төрағасы тиісті лауазым иелеріне сыбайлас жемқорлықтың алдын алу профилактикалық шараларын жүргізу, заңдылығын сақтау, бюджет қаржысын игеру сыбайлас жемқорлық фактілерін алдын алуда жүйелі жұмыс жүргізуді тапсырды.