SIRG 2021 АЭХА мен Қазақстан жұмыс тобының Қазақстанда кепілдіктерді қолдану бойынша жыл сайынғы отырысы

2021 жылғы 8 желтоқсанда Атом энергиясы жөніндегі халықаралық агенттіктің (АЭХА) және Қазақстанның кепілдіктерді Қазақстанда қолдану жөніндегі жұмыс тобының жыл сайынғы отырысы өтті.

Кездесудің мақсаты - Қазақстан Республикасы Президентінің 1995 жылғы 19 маусымдағы № 2344 Жарлығымен ратификацияланған «Қазақстан Республикасы мен Атом энергиясы жөніндегі халықаралық агенттік арасындағы Ядролық қаруды таратпау туралы Шартқа байланысты кепілдіктерді қолдану туралы келісімді» және Қазақстан Республикасының 2007 жылғы 19 ақпандағы № 229 Заңымен ратификацияланған «Қазақстан Республикасы мен Атом энергиясы жөніндегі халықаралық агенттік арасындағы ядролық қаруды таратпау туралы Шартқа байланысты кепілдіктерді қолдану туралы келісімге Қосымша хаттаманы» орындаудың техникалық мәселелерін талдау және қарау.

Кездесуге АЭХА, ҚР ЭМ АЭҚБК өкілдері және Қазақстанның ядролық қондырғылар операторлары қатысты:

Бұл кездесуде Қазақстанда АЭХА кепілдіктерін қолдануға қатысты барлық негізгі мәселелер талқыланды. АЭХА 2020-2021 жылдар кезеңінде Қазақстанда жоспарланған барлық инспекциялық іс-шаралар пандемиямен байланысты жағдайға қарамастан сәтті өткенін атап өтті. АЭХА инспекциялық жұмыстарды жүргізуді ұйымдастырғаны және оған көмектескені үшін қазақстандық тарапқа алғыс білдірді. Кездесу жоғары деңгейде өтті, АЭХА өкілдерінің сұрақтары мен ескертулері болған жоқ.

АЭХА отырысының соңында кездесуді ұйымдастырғаны және жемісті жұмысы үшін ҚР ЭМ АЭҚБК-ге алғыс білдірді. Өз кезегінде ҚР ЭМ АЭҚБК АЭХА-ға алғысын білдіріп, Қазақстан АЭХА кепілдіктерін ҚР-да қолдану бойынша бірлескен жұмысқа әрқашан дайын және ашық екенін хабарлады.