Ата Заңның 30 жылдығы қарсаңында: энергетиктердің еңбегіне құрмет

Қазақстан Конституциясы күні қарсаңында Энергетика министрлігіне қарасты Атомдық және энергетикалық қадағалау мен бақылау комитетінің қызметкерлері ведомстволық марапаттарға ие болды. Марапаттау рәсімін ҚР Энергетика министрлігінің Атомдық және энергетикалық қадағалау мен бақылау комитетінің төрағасы Ержан Ертаев өткізді.

Жоғары марапат — «ТМД-ның еңбек сіңірген энергетигі» төсбелгісі Гүлзада Саттықова мен Асхат Жақұповқа табысталды.

Энергетика министрінің Құрмет грамоталары аумақтық департаменттердің алты басшысына жолданды. Сонымен қатар, аумақтық департаменттердің 19 қызметкері Комитет төрағасының Құрмет грамоталарына ие болмақ.

Шара соңында Ержан Ертаев марапат иелерін құттықтап, олардың жоғары кәсібилігіне, адалдығы мен Қазақстан энергетика саласының дамуына қосқан елеулі үлесіне алғысын білдірді.