АҚ қамтамасыз ету саласында сынау және техникалық реттеу

Бүгінгі күні ақпараттандырудың белсенді дамуына байланысты қолданыстағы ақпаратты сақтау, беру және өңдеу жүйелерінің ақпараттық қауіпсіздігін қамтамасыз ету мәселесі өзекті болып отыр. Сонымен қатар ақпарат объектілеріне залал келтіруге бағытталған жүйелер де дамиды. Сондықтан ақпараттық қауіпсіздікті қамтамасыз ету ең алдымен тәуекелдерді болдырмауға және келтірілген залалды жоюға бағытталуы тиіс. 

Ақпараттандырудың барлық объектілері құру, тәжірибелік және өнеркәсіптік пайдалану, оны пайдалануды дамыту және тоқтату кезеңдерінен өтеді. Бұл өнеркәсіптік пайдалануға енгізер алдында міндетті түрде ақпараттық қауіпсіздік талаптарына сәйкестігін сынау рәсімінен өтетін ақпараттық жүйелерге де қатысты.

2023 жылы 58 ақпараттандыру объектісі сынау рәсімінен өтіп, «Ақпараттық қауіпсіздік талаптарына сәйкестігін сынау нәтижелері бойынша акт беру» мемлекеттік қызметі бойынша актілер алды.

 

Субъектілер

• Мемлекеттік органдар 
• Жергілікті атқарушы органдар 
• Мемлекеттік заңды тұлғалар 
• Квазимемлекеттік сектор 
• АКИАМО

Объектілер

Ақпараттық қауіпсіздік талаптарына сәйкестігіне міндетті сынауға жататын сынақ объектілеріне:

1. "электрондық үкіметтің"ақпараттық-коммуникациялық платформасында құрылған және (немесе) орналастырылған бағдарламалық қамтамасыз ету (бағдарламалық өнім);
2. "электрондық үкіметтің"ақпараттық-коммуникациялық платформасы;
3. мемлекеттік органның, мемлекеттік заңды тұлғаның, квазимемлекеттік сектор субъектісінің интернет-ресурсы;
4. мемлекеттік органның, мемлекеттік заңды тұлғаның, квазимемлекеттік сектор субъектісінің ақпараттық жүйесі;
5. ақпараттық-коммуникациялық инфрақұрылымның аса маңызды объектілері;
6. мемлекеттік электрондық ақпараттық ресурстарды қалыптастыруға, мемлекеттік функцияларды жүзеге асыруға және мемлекеттік қызметтер көрсетуге арналған мемлекеттік емес ақпараттық жүйе.

Аккредиттелген сынақ зертханаларының тізімі