Нұр-Сұлтан қаласында ҚР АҚДМ стратегиялық сессиясы өтті

Министрліктің Нұр-Сұлтан қаласындағы Стратегиялық сессиясының басты тақырыптары – азаматтық қоғаммен өзара әрекеттесу, этносаралық және конфессияаралық келісім, жастар және отбасы, сондай-ақ БАҚ салаларын дамыту.

Бүгін, 12 наурызда, Нұр-Сұлтан қаласында Ақпарат және қоғамдық даму министрлігінің күні өтті.

Стратегиялық сессияның ашылуында күн тәртібі жөнінде айтылып, cоған сәйкес 13 кездесу, семинарлар, панельдік сессиялар және өзекті мәселелер бойынша талқылаулардың тақырыптары белгіленді.

Нұр-Сұлтан қаласындағы АҚДМ іс-шараларына 500-ге жуық адам қатысты, онда телерадио хабарларын тарату инфрақұрылымын пайдалану бөлігіндегі «Қазтелеадио» АҚ қызметі; дінтану сараптамасын жүргізу, мемлекеттік әлеуметтік тапсырыс және гранттық қаржыландыру, этносаралық қатынастарды дамыту бойынша әдістемелік қамтамасыз ету, жергілікті мемлекеттік органдардың ақпаратына қол жеткізу, салалық журналистиканы дамыту және басқа да өзекті сұрақтар көтерілді.

Естеріңізге сала кетейік, өңірлердегі АҚДМ күндерінің негізгі міндеті – өзекті мәселелер мен міндеттерді талқылау және түсіндіру, сондай-ақ мемлекеттік органдар мен өңірлік жұртшылық өкілдерінің сындарлы диалогын құру, Министрлік жетекшілік ететін бағыттар бойынша стратегиялық жұмыста жергілікті ерекшеліктерді ескеру.

Ведомство қызметкерлері Нұр-Сұлтан қаласының жұртшылығын толғандыратын бірқатар өзекті сұрақтарға жауап берді.

Іс-шараларда айтылған барлық ұсыныстар одан әрі жұмысты орталық, сондай-ақ өңірлік және жергілікті деңгейлерде жетілдіру кезінде ескерілетін болады.

Айта кетейік, ел өңірлеріндегі «Министрлік күндері» Мемлекет Басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асырудың бір бөлігі болып табылады.