Ұйымдастырушы-Алматы гарнизонының әскери прокуратурасы.
Қазақстан Республикасы Тәуелсіздігінің 30 жылдығына және
әскери прокуратура органдарының құрылуына арналған іс-шараға
Алматы гарнизонының он екі мықты командасы қатысты.
Жарыстың мақсаты-салауатты өмір салтын қалыптастыру.
Турнирге десанттық-шабуылдау әскерлері мен әуе шабуылына қарсы қорғаныс қолбасшылары
басқармаларының, әскери полицияның, әскери оқу орындарының, жергілікті әскери басқару органдарының,
басқа да әскерлер мен әскери құралымдардың өкілдері қатысты.
Бірінші орынды құрамына Алматы гарнизоны әскери бөлімдерінің
әскери қызметшілері кіретін "Әскер" футбол клубы иеленді.
Екінші орынды Ұлттық ұлан әскери полиция бөлімінің командасы,
ал үшінші орынды ҰҚК Шекара академиясының командасы иеленді.
Жеңімпаздар мен жүлдегерлер кубоктармен және грамоталармен марапатталды.
Турнирдің жабылу салтанатына ұйымдастырушылар қамқорлыққа алған
"SOS Алматы Балалар ауылы" балалар үйінің тәрбиеленушілерін шақырып,
оларға әскери бөлімдер мен мекемелер қолбасшылығының атынан естелік сыйлықтар табыс етті.
Турнир жеңімпаздары мен жүлдегерлері жүлде қорының
ақшалай қаражатына "SOS Балалар ауылы"қамқорлыққа алынған балалар
ұйымының тәрбиеленушілері үшін спорттық құрал-жабдықтар сатып алды.
