Мемлекеттік қызметтегі әйелдер: кәсібилік, жауапкершілік және адалдық!!!
Халықаралық әйелдер күні қарсаңында Қазақстан Республикасы Қаржы министрлігінің Мемлекеттік мүлік және жекешелендіру комитеті мемлекеттік активтерді тиімді басқаруға және мемлекеттік мүлік жүйесін дамытуға елеулі үлес қосып жүрген қызметкер әйелдерді атап өтеді.
Комитетте әртүрлі кәсіби бағыттағы әйел мамандар еңбек етеді — экономистер, заңгерлер, сарапшылар, жекешелендіру саласының мамандары, мемлекеттік акциялар пакеттерін және республикалық меншіктегі объектілерді басқару саласындағы қызметкерлер, сондай-ақ аумақтық бөлімшелер мен орталық аппарат қызметкерлері. Олардың кәсібилігі, жауапкершілігі және мұқияттылығы процестердің ашықтығын қамтамасыз етіп, мемлекеттік мүлікті ұтымды пайдалануға және елдің қаржылық тұрақтылығын нығайтуға ықпал етеді.
Күн сайын олар қызметтік жауапкершілікті отбасына деген қамқорлықпен үйлестіре отырып, ұжым мен жақындары үшін сенімді тірек болып келеді. Олардың еңбегі, тәжірибесі және іске деген адалдығы мемлекеттік қызметтің тиімді жұмыс істеуіне және мемлекеттік мүлікті басқару жүйесінің дамуына маңызды негіз болып табылады.
Анар Жұмабекқызы Сайдалина — Қазақстан Республикасы Қаржы министрлігінің Мемлекеттік мүлік және жекешелендіру комитетінің Республикалық мемлекеттік заңды тұлғалармен жұмыс басқармасының басшысы. Оның жалпы еңбек өтілі — 30 жыл, оның ішінде 27 жылдан астам уақытын мемлекеттік қызметке арнаған. Еңбек жолын жетекші маман қызметінен бастап, бүгінгі таңда басқарма басшысы лауазымына дейін өсті.
Анар Жұмабекқызының жоғары педагогикалық және заңгерлік білімі бар. Бұл оған мемлекеттік заңды тұлғаларды басқару саласында заңнаманы терең меңгеріп, оны тәжірибеде тиімді қолдануға мүмкіндік береді. Өз қызметінде ол жұмысты тиімді ұйымдастыруға, заң талаптарын сақтауға және мемлекеттік басқарудың сапасын арттыруға ерекше назар аударады.
Ұжым мен басшылықтың жоғары сенімі оның Комитеттің Әдеп жөніндегі уәкілі қызметін атқаруымен де дәлелденеді. Бұл қызметте Анар Жұмабекқызы Әдеп кодексі нормаларының сақталуына және мемлекеттік қызмет қағидаттарының орындалуына ықпал етеді. Әріптестері оның кәсібилігін, жауапкершілігін және тәжірибесімен бөлісуге әрдайым дайын екенін жоғары бағалайды. Бір ұжымда көп жылдық еңбек тәжірибесі оның ісіне адалдығын көрсетіп, әріптестері арасында үлкен құрметке ие болуына негіз болды. Оның пікірінше, «Әдеп нормаларын сақтау мен кәсібилік — қоғамның мемлекеттік қызметке деген сенімінің негізі».
Анна Олеговна Иванова — Меншікке мемлекеттік мониторинг жүргізу, сенімгерлік басқару және концессия басқармасының басшысы. Оның осы саладағы жалпы еңбек өтілі 25 жыл 10 айды құрайды. Ол 1999 жылдан бері бір ұжымда үздіксіз қызмет атқарып, мемлекеттік қызметке адалдықтың үлгісін көрсетіп келеді.
Көпжылдық тәжірибесінің арқасында ол мемлекеттік активтерді басқару саласында терең білімі бар жоғары білікті маман ретінде танылды. Анна Олеговна Иванова Қазақстан Республикасының «Мемлекетке заңсыз иемденілген активтерді қайтару туралы» Заңын және бірқатар маңызды заңға тәуелді актілерді әзірлеуге тікелей қатысқан. Өз қызметінде мемлекеттік меншікті басқару жүйесін жетілдіруге және корпоративтік басқарудың үздік тәжірибелерін енгізуге ерекше көңіл бөледі.
Әріптестері оның кәсіби мәдениетін, сыпайылығын және мемлекеттік қызметшінің Әдеп кодексі нормаларын қатаң ұстанатынын жоғары бағалайды. Жауапкершілігі мен күрделі және стандартты емес міндеттерді қысқа мерзімде сапалы орындау қабілеті оның ұжымдағы беделін арттыра түсті. Оның еңбегі Қазақстан Республикасы Тәуелсіздігінің 25 жылдығына арналған мерейтойлық медальмен және Қазақстан Республикасының Құрмет грамотасымен марапатталған. Оның пікірінше, «кәсібилік пен жауапкершілік — мемлекеттік мүдделерді қорғаудың негізі».
Ажаркүл Алментақызы Саймбетова — Қазақстан Республикасы Қаржы министрлігінің Мемлекеттік мүлік және жекешелендіру комитетінің Мемлекеттік заңды тұлғалардың мүлкін мүліктік жалға беру және пайдалану жұмысын ұйымдастыру басқармасының бас маманы. Оның жалпы еңбек өтілі — 40 жыл, оның ішінде саладағы еңбек өтілі — 29 жыл. Бір ұжымда 21 жылдан астам уақыт бойы табысты қызмет атқарып келеді.
Көпжылдық еңбек тәжірибесі барысында Ажаркүл Алментақызы мемлекеттік мүлікті басқару саласында жоғары білікті маман ретінде танылды. Ол «Байқоңыр» кешені бойынша Қазақстан мен Ресей арасындағы екіжақты ынтымақтастық мәселелеріне белсенді қатысып, кешен мен сынақ полигондары үшін жалдау төлемдерін ұлттық валютада жүзеге асыру жөніндегі ұсыныстарды әзірлеуге үлес қосуда. Сонымен қатар кешен объектілерінің сақталуын бақылау жөніндегі Арнайы ведомствоаралық комиссияның жұмысын үйлестіреді.
Әріптестері оның кәсібилігін, принципшілдігін және терең білімін жоғары бағалайды. Көпжылдық тәжірибесі мен жауапкершілігінің арқасында ол ұжым ішінде үлкен беделге ие. Өз қызметінде Әдеп кодексінің нормаларын қатаң сақтап, мемлекет мүддесіне қызмет етуді басты міндеті деп санайды.
Гүлжан Жұмабекқызы Мырзалиева — Алматы қаласы мемлекеттік мүлік және жекешелендіру департаментінің қаржылық қамтамасыз ету бөлімінің бас маманы. 2020 жылдан бері мемлекеттік мүлік жүйесінде қызмет атқарып, өз ісіне жауапкершілікпен қарайтын білікті маман ретінде танылып келеді.
Өз қызметінде Гүлжан Жұмабекқызы қызметтік міндеттерді сапалы орындауға, заң талаптарын сақтауға және қаржылық үдерістерді тиімді ұйымдастыруға ерекше көңіл бөледі. Әріптестері оны ұжымда сый-құрметке ие, жауапкершілігі жоғары және кәсіби деңгейі жоғары маман ретінде бағалайды.
Күнделікті жұмысында ол әділдік, объективтілік және адамдарға құрметпен қарау қағидаттарын басшылыққа алады. Заңнама талаптары мен мемлекеттік қызметтің әдеп нормаларын қатаң сақтау оның қызметтік міндеттерін тиімді орындауына және мемлекеттік басқару жүйесінің дамуына өз үлесін қосуына мүмкіндік береді.
Раушан Қорғашқызы Онаева — Қазақстан Республикасы Қаржы министрлігінің Мемлекеттік мүлік және жекешелендіру комитетінің Астана қаласы мемлекеттік мүлік және жекешелендіру департаменті басшысының орынбасары. 2011 жылдан бері мемлекеттік мүлік және жекешелендіру саласында еңбек етіп келеді.
Өз қызметінде Раушан Қорғашқызы жұмысты тиімді ұйымдастыруға, заң талаптарын сақтауға және мемлекеттік мүлікті басқару жүйесінің тиімділігін арттыруға ерекше көңіл бөледі. Әріптестері оны кәсіби білікті, жауапкершілігі жоғары және принципшіл маман ретінде бағалайды.
Күнделікті қызметінде ол әділдік, объективтілік және әріптестерге құрметпен қарау қағидаттарын басшылыққа алады. Кәсіби этика нормаларын қатаң сақтау және қоғам алдындағы жауапкершілікті терең сезіну оның қызметтік міндеттерін тиімді орындауына мүмкіндік береді.
Садыкова Шұға Серікбайқызы — Қазақстан Республикасы Қаржы министрлігінің Мемлекеттік мүлік және жекешелендіру комитетінің Атырау облысы мемлекеттік мүлік және жекешелендіру департаментінің заңды тұлғалармен жұмыс және мүлікті иелену бөлімінің басшысы.
Оның жалпы еңбек өтілі 41 жыл, оның ішінде 32 жыл мемлекеттік қызметте. 2016 жылдан бастап Атырау облысы мемлекеттік мүлік және жекешелендіру департаментінде қызмет атқарып келеді. Көпжылдық тәжірибесі мен кәсіби біліктілігінің арқасында Шұға Серікбайқызы өз ісіне жауапкершілікпен қарайтын, тәжірибелі басшы ретінде танылған.
Ол мемлекеттік мүлікті басқару және жекешелендіру саласындағы жұмыстарды тиімді ұйымдастырып, заң талаптарының сақталуын қамтамасыз етеді. Әріптестері оның стратегиялық ойлау қабілетін, басқарушылық мәдениетін және жауапты шешімдер қабылдай білетіндігін жоғары бағалайды. Кәсіби білімі мен өмірлік тәжірибесі арқылы ұжымда үлкен беделге ие болып, мемлекеттік қызметтің беделін арттыруға өз үлесін қосып келеді.
Алия Советкалиевна Уалиева — Қазақстан Республикасы Қаржы министрлігінің Мемлекеттік мүлік және жекешелендіру комитетінің Жетісу облысы бойынша мемлекеттік мүлік және жекешелендіру департаментінің активтерді басқару бөлімінің басшысы.
Алия Советкалиевна еңбек жолын 2008 жылы Текелі қалалық қазынашылық басқармасында алдын ала бақылау, қолма-қол ақшамен қамтамасыз ету және төлем шоттарын енгізу бөлімінің жетекші маманы – жетекші қазынашысы ретінде бастаған. Жалпы еңбек өтілі 31 жылдан астам, оның ішінде мемлекеттік қызметтегі өтілі 17 жылдан астам. Жоғары кәсіби біліктілігі мен жауапкершілігінің арқасында әріптестері арасында үлкен құрметке ие.
Көпжылдық еңбегі мемлекеттік және ведомстволық марапаттармен бірнеше рет атап өтілген. Өз қызметінде ол объективтілік, жоғары кәсіби этика және ұжымдағы өзара қолдау қағидаттарын басшылыққа алады. Әріптестері оның кәсібилігін, принципшілдігін және мемлекеттік активтерді басқару саласындағы күрделі міндеттерді тиімді шешу қабілетін жоғары бағалайды.
Эльмира Бауыржанқызы Дандибаева — Қазақстан Республикасы Қаржы министрлігінің Мемлекеттік мүлік және жекешелендіру комитетінің Қызылорда облысы мемлекеттік мүлік және жекешелендіру департаментінің заңды тұлғалармен жұмыс және мүлікті иелену бөлімінің бас маманы.
2006 жылдан бері қаржы және экономика жүйесінде еңбек етіп келеді. Көпжылдық тәжірибесі мен кәсіби біліктілігінің арқасында Эльмира Бауыржанқызы өз ісіне жауапкершілікпен қарайтын, ұжымда құрметке ие маман ретінде танылған.
Өз қызметінде ол адалдық, әділдік және жауапкершілік қағидаттарын басшылыққа алады. Кәсіби дамуға ұмтылуы, өз еңбегіне сыни көзқараспен қарауы және әріптестеріне қолдау көрсетуі оның мемлекеттік қызмет міндеттерін тиімді орындауына мүмкіндік береді.