«Ата-аналармен диалог» тақырыбында бейнеконференция өтті

2026 жылғы 3 қыркүйекте Солтүстік Қазақстан облысының прокуратурасының ұйымдастыруымен «Ата-аналармен диалог» тақырыбында ауқымды бейнеконференция өтті. Іс-шараға ауданның барлық орта білім беру мектептері бейнебайланыс арқылы қатысты.

Бейнеконференция барысында кәмелетке толмағандар арасындағы құқық бұзушылықтардың алдын алу, балалардың қауіпсіздігін қамтамасыз ету, олардың қараусыз қалуының алдын алу, сондай-ақ ата-аналардың бала тәрбиесі мен баланың әл-ауқатына деген жауапкершілігін арттыру мәселелері талқыланды.

Іс-шараға аудан мектептерінің ата-аналары мен педагогикалық ұжымдары қатысты. Балалардың құқықтарын қорғау және құқық бұзушылықтардың алдын алу мақсатында отбасы, мектеп және мемлекеттік органдар арасындағы өзара іс-қимылды күшейтуге ерекше назар аударылды.

Бейнеконференцияға аудан бойынша 400 оқушы қатысты.

Осындай іс-шаралар балалар мен ата-аналардың құқықтық сауаттылығын арттыруға, мектеп пен отбасы арасындағы ынтымақтастықты нығайтуға және өскелең ұрпақтың қауіпсіздігі мен тәрбиесіне ортақ жауапкершілікті қалыптастыруға ықпал етеді.

Бала қауіпсіздігі — баршамызға ортақ жауапкершілік! 🤝🇰🇿