«Үздік педагог» атағын беру жөніндегі аудандық кезеңнің өткізілетіні туралы

         

Солтүстік Қазақстан облысы әкімдігінің білім басқармасы
«Ғабит Мүсірепов атындағы ауданның білім бөлімі» КММ

«Үздік педагог» атағын беру жөніндегі аудандық кезеңнің өткізілетіні туралы хабарлайды.

«Үздік педагог» атағын беру конкурсына білім беру ұйымдарының штаттық педагогтері, конкурсқа қатысу үшін құжаттарды тапсырған сәтте кемінде бес жыл үздіксіз педагогикалық еңбек өтілі бар педагогтер қатыса алады.

Конкурс үш кезеңде өткізіледі:

• I кезең – аудандық;
• II кезең – облыстық;
• III кезең – республикалық.

Конкурсқа қатысу үшін құжаттар (материалдар) Қазақстан Республикасы Оқу-ағарту министрлігінің ақпараттық жүйесіне 2026 жылғы 20 шілдеге дейін жүктеледі.

Конкурстың I кезеңіне қатысу үшін үміткер Министрліктің ақпараттық жүйесі арқылы Қазақстан Республикасы Білім және ғылым министрінің 2015 жылғы 16 қаңтардағы №12 бұйрығымен бекітілген «Үздік педагог» атағын беру қағидаларына сәйкес өтінім береді және оған келесі құжаттарды электрондық форматта қоса тіркейді:

1. Оқыту тіліндегі педагогтің портфолиосы (Қағидаларға сәйкес нысан бойынша) – 2-қосымша.
2. Бейнематериалдар:

• мектепке дейінгі ұйым педагогтері үшін – ұзақтығы 7 минуттық бейнесабақ;
• орта білім беру ұйымдарының педагогтері үшін – сабақ жоспары қоса берілетін ұзақтығы 15 минуттық бейнесабақ (бейнесабақ немесе бейнесабақ фрагменті);
• Қағидаларға сәйкес талаптар мен техникалық шарттарға сай ұзақтығы 5 минутқа дейінгі озық педагогикалық тәжірибені таныстыруға арналған бейнеролик – 3-қосымша.

Конкурсқа қатысуға арналған өтінім нысаны – 1-қосымша.

Анықтама телефоны:
8 (71535) 22-3-33.