«Туған өлке» этноауылының салтанатты ашылуы өтті

«Новоишим қазақ жалпы білім беретін мектебі» КММ базасында қазақ халқының бай мәдени мұрасын сақтау, насихаттау және өскелең ұрпаққа жеткізу мақсатында ұйымдастырылған «Туған өлке» этноауылының салтанатты ашылуы өтті.
Іс-шара оқушыларды, педагогтерді, ата-аналарды және қонақтарды біріктіріп, ұлттық дәстүрлерді, салт-дәстүрлерді және рухани құндылықтарды дәріптейтін жарқын мерекеге айналды. Этноауыл аумағы ұлттық нақышта безендіріліп, киіз үйлердің ішкі көрінісі қазақ халқының тұрмыс-тіршілігін, мәдениетін және қонақжайлылық дәстүрлерін айқын көрсетті.
Іс-шара аясында «Ұлттық тағамдар», «Салт-дәстүрлер мен әдет-ғұрыптар», «Ұлттық ойындар», «Қолөнер» және «Музыкалық мұра» атты тақырыптық алаңдар ұйымдастырылды. Қатысушылар мен қонақтар ұлттық тағамдармен, тұрмыстық бұйымдармен, сәндік-қолданбалы өнер туындыларымен, ұлттық киімдермен және музыкалық аспаптармен танысты.

Ата-аналар мен балалардың қатысуымен өткен шеберлік сағаттары, халықтық қолөнер түрлерінің көрсетілімі, сондай-ақ асық ойыны сияқты ұлттық ойындардың таныстырылымы көпшіліктің ерекше қызығушылығын тудырды. Оқушылар өз халқының салт-дәстүрлері туралы қызықты мәліметтер айтып, қонақтарды қазақ халқының тарихы мен мәдениетімен таныстырды.
Мерекенің сәнін ұлттық әндер мен күйлердің орындалуы, шығармашылық қойылымдар және ұлттық салт-жоралғылардың көрсетілімі келтірді. Бұл көріністер қатысушыларға ұрпақтан-ұрпаққа жалғасып келе жатқан ұлттық құндылықтардың мәнін тереңірек сезінуге мүмкіндік берді.
«Туған өлке» этноауылының өткізілуі мектептердің мәдени өміріндегі маңызды оқиғаға айналып, ұлттық сананы нығайтуға, тарихи мұраға деген құрметті арттыруға және жас ұрпақтың өз мәдениеті мен дәстүрлерін мақтан тұту сезімін қалыптастыруға ықпал етті.