2026–2027 оқу жылына 1-сыныпқа өтініштерді қабылдау

Құрметті ата-аналар!

2026–2027 оқу жылына 1-сыныпқа өтініштерді қабылдау 29 маусымнан 31 тамызға дейін жүргізіледі.

Балаңызды мектепке қабылдау үшін құжаттарды eGov.kz электрондық үкімет веб-порталы арқылы немесе қызмет көрсетушінің кеңсесі арқылы тапсыруға болады.

1-сыныпқа алты жастағы және ағымдағы күнтізбелік жылы алты жасқа толатын балалар қабылданады.

Өтініш беру үшін ата-ана (заңды өкіл) келесі құжаттарды тіркеуі қажет:
- № 065-у «Егу паспорты» медициналық анықтамасы
- № 052-2/у «Бала денсаулығы паспорты» медициналық анықтамасы
- 3х4 см өлшемдегі фотосурет

eGov.kz веб-порталында өтініштер тәулік бойы қабылданады.

Қызмет көрсетушінің кеңсесі арқылы өтініштер дүйсенбі мен жұма аралығында, демалыс және мереке күндерін қоспағанда, қабылданады.

Сұрақтар туындаған жағдайда, тұрғылықты жеріңіз бойынша мектептерге жүгінуге болады.