Мектепке дейінгі ұйым педагогтеріне арналған «Жаңартылған білім беру бағдарламалары жағдайында мектепке дейінгі білім беруге цифрлық технологиялар мен жасанды интеллект элементтерін енгізу» тақырыбында аудандық семинар өтті

2026 жылғы 20 ақпанда мектепке дейінгі ұйым педагогтеріне арналған «Жаңартылған білім беру бағдарламалары жағдайында мектепке дейінгі білім беруге цифрлық технологиялар мен жасанды интеллект элементтерін енгізу» тақырыбында аудандық семинар өтті.

Іс-шараның мақсаты – мектепке дейінгі жастағы балалармен білім беру үдерісінде заманауи цифрлық құралдар мен жасанды интеллект мүмкіндіктерін қолдану мәселелері бойынша педагогтердің кәсіби құзыреттілігін арттыру.

Семинар барысында әдіскерлер, тәрбиешілер және мектепке дейінгі ұйым педагогтері сөз сөйледі. Спикерлер цифрлық платформаларды пайдалану бойынша өзекті практикалық кейстерді ұсынып, цифрлық ресурстарды қолдану арқылы білім беру қызметін ұйымдастырудың заманауи тәсілдерін көрсетті, сондай-ақ инновациялық технологияларды тәжірибеге енгізу бағытында өз тәжірибелерімен бөлісті.

Семинарға қатысушылар тиімді тәжірибелерді талқылап, балалармен жұмыс барысында цифрлық технологияларды қауіпсіз әрі нәтижелі қолдану бойынша ұсыныстар алды.

Іс-шараның жалпы қамтуы 165 педагогті құрады.