Болашақ бірінші сынып оқушыларына арналған "Балақайлар мектебі" қысқамерзімді курстары аяқталды

2025 жылғы тамыз айында Ғабит Мүсірепов атындағы аудан мектептерінің базасында болашақ бірінші сынып оқушыларына арналған «Балақайлар мектебі» атты қысқамерзімді дайындық курстары өткізілді.

Курстар барысында балалар мектеп өмірінің негіздерімен танысып, қарым-қатынас жасау, зейінділік және төзімділік дағдыларын дамытты.

Жалпы 320 бала қамтылып, олар жаңа оқу үдерісіне бейімделуге қажетті қолдау алды. Бұл курстар мектепке дейінгі кезеңнен бастауыш білімге сенімді өтуге жағдай жасайтын маңызды қадам болды.