2024 жылғы 20 наурызда Глубокое аудандық мәслихатының кезектен тыс оныншы сессиясының отырысы өтті.
Сессия жұмысына 9 депутат, Глубокое ауданының әкімі, Глубокое ауданы әкімінің орынбасарлары, кенттер мен ауылдық округтердің әкімдері, аудандық басқармалар мен дербес бөлімдерінің басшылары, БАҚ өкілдері қатысты.
Сессияда келесі мәселелер қаралды:
Аудан әкімінің орынбасары Е. Н. Литвиненко тұрақты комиссия отырысында депутаттар талқылаған аудан бюджетіне енгізілген өзгерістер туралы баяндады: аудандық бюджеттің бос қалдықтары бөлінді, аудандық бюджеттік бағдарламалар әкімшілері бойынша шығыстар лимиттері нақтыланды, аудандық бюджеттен берілетін трансферттер көлемі бюджеттің 4 деңгейіне өзгерді.
Бизнес-ахуалды жақсарту, салық жүктемесін азайту, бизнесті заңдастыру және ауданның кәсіпкерлік секторының іскерлік белсенділігін арттыру мақсатында корпоративтік немесе жеке табыс салығы мөлшерлемесінің мөлшері 4 пайыздан 2 пайызға төмендетілді.
Глубокое аудандық мәслихатының Глубокое ауданы бойынша жергілікті қоғамдастық жиналысының регламентін бекіту жөніндегі кейбір шешімдерінің күші жойылды деп танылды.
Глубокое ауданында тұрғын үй көмегін көрсетудің мөлшері мен тәртібі анықталды.
Бейбіт жиналыстарды ұйымдастыру және өткізу үшін арнаулы орындар және олардың шекті толу нормалары, оларды материалдық-техникалық және ұйымдастырушылық қамтамасыз етуге қойылатын талаптар, оларды пайдалану тәртібі, Глубокое ауданы бойынша пикет өткізуге тыйым салынған іргелес аумақтардың шекаралары айқындалды.
Жерді меншікке және (немесе) жер пайдалануға беру жөніндегі комиссияның жеке құрамы бекітілді.
Талқылаудан кейін шешімдер бірауыздан қабылданды.