2026 жылғы 16 маусымда Глубокое аудандық мәслихатының кезектен тыс сессиясы өтті.

Отырыс барысында депутаттар сессияның күн тәртібіне енгізілген мәселелерді қарады.

Глубокое аудандық мәслихатының 2025 жылғы 23 желтоқсандағы №31/2-VIII «2026–2028 жылдарға арналған Глубокое ауданының кенттері, ауылдары және ауылдық округтерінің бюджеттері туралы» шешіміне өзгерістер енгізу мәселесі бойынша Глубокое ауданының экономика және бюджеттік жоспарлау бөлімінің басшысы Нұржанова О.А. баяндама жасады. Депутаттарға ауылдық округтер бюджеттерінің көрсеткіштерін нақтылау жөніндегі ұсыныстар ұсынылды.

Сондай-ақ округтік, аумақтық және учаскелік сайлау комиссиялары мүшелерін сайлауға қатысты Глубокое аудандық мәслихатының шешімдеріне өзгерістер енгізу мәселелері қаралды.

Сессия барысында депутаттар Глубокое ауданы халқын әлеуметтік-экономикалық қолдау туралы келісім жасасу және Глубокое ауданы прокурорының наразылығы мәселелерін қарады.

Бұдан бөлек, 2026 жылға арналған Глубокое ауданы бойынша шетелдіктер үшін туристік алым мөлшерлемесін бекіту туралы шешім қабылданды.

Күн тәртібіндегі барлық мәселелер бойынша тиісті шешімдер қабылданды. Отырыс іскерлік және сындарлы жағдайда өтті.