Состоялось заседание внеочередной двадцать седьмой сессии Глубоковского районного маслихата
2025 жылғы 31 қазанда Глубокое аудандық мәслихатының кезектен тыс жиырма жетінші сессиясының отырысы өтті.
Сессия жұмысына 9 депутат, Глубокое ауданы әкімінің орынбасарлары, кенттер мен ауылдық округтердің әкімдері, БАҚ өкілі қатысты.
Сессияда келесі мәселелер қаралды:
- Глубокое аудандық мәслихатының 2024 жылғы 25 желтоқсандағы № 19/4-VIII «Глубокое ауданының 2025-2027 жылдарға арналған кенттер, ауылдар мен ауылдық округтерінің бюджеттері туралы» шешіміне өзгерістер енгізу туралы.
- Глубокое ауданында жеңілдетілген декларация негізінде арнайы салық режимін қолдану кезінде салық мөлшерлемесінің мөлшерін төмендету туралы;
- Глубокое аудандық мәслихатының 2021 жылғы 19 наурыздағы № 3/14-VII «Глубокое ауданында кәмелетке толмағандар істері және олардың құқықтарын қорғау жөніндегі комиссияның жеке құрамын бекіту туралы» шешіміне өзгеріс енгізу туралы.
Сессия отырысына материалдарды дайындау кезінде «Глубокое ауданында оңайлатылған декларация негізінде арнайы салық режимін қолдану кезінде салық мөлшерлемесінің мөлшерін төмендету туралы» күн тәртібінің екінші мәселесі бойынша материалдарды толық көлемде дайындамауға байланысты келесі отырысқа ауыстырылып, сессияның күн тәртібінен алынды.
Күн тәртібіндегі мәселе бойынша Глубокое ауданының экономика және бюджеттік жоспарлау бөлімінің басшысы Калижаров Даурен Кадылканович сөз алды, ол ауылдық округтердің бюджеттеріне енгізілген өзгерістер туралы айтты.
2025 жылға арналған бюджеттің 4 деңгейінің параметрлерін нақтылау үшін негіз болды:
- 2025 жылға арналған бюджеттің жоғары тұрған деңгейінен нысаналы трансферттер көлемін өзгерту;
- 4 деңгейдегі бюджеттің өз кірістерін түзету;
Әрбір ауылдық округ бойынша кіріс бөлігінде ұлғайтылған сома және бұл қаражат қайда жұмсалғаны айтылды.
Глубокое ауданының кәмелетке толмағандар істері және олардың құқықтарын қорғау жөніндегі комиссияның жеке құрамына өзгеріс енгізілді.
Талқылаудан кейін шешімдер бірауыздан қабылданды.