Шығыс Қазақстан облысындағы геология саласындағы ғылыми зерттеулері басталды
Шығыс Қазақстан облысында жүргізілетін геологиялық барлау жұмыстарының нәтижелерін талдау облыстың ресурстық потенциалының әлі де таусылмағандығын көрсетеді, алайда геофизикалық жұмыстардың қазіргі заманғы технологияларын, зерттеудің терең геохимиялық әдістерін және бұрғылаудың елеулі көлемдерін енгізу негізінде геологиялық болжамның тереңдігін ұлғайту қажет. Жасырын және терең жатқан кен орындарды іздеу, әрине, ғылыми негізделген ұсыныстар негізінде, яғни ғылыммен тығыз байланыста жүргізілуі керек.
Бұған зерттеу потенциалы, жабдықтары мен аналитикалық базасы, жер қойнауының геологиялық құрылымы туралы жаңа білім алуға арналған компьютерлік бағдарламалары, пайдалы қазбалар кен орындарын оқшаулау заңдылықтарын анықтау және олардың негізінде кен орындарын іздеу мен барлауда жаңа тәсілдерді әзірлеу, оларды экономикалық бағалау, содан кейін кешенді игерудің ұтымды тәсілдерімен университеттік ғылым тартылған.
2020 жылы Д. Серікбаев атындағы ШҚМТУ «Ғылымды дамыту» бағдарламасы бойынша «Табиғи ресурстарды, оның ішінде су ресурстарын ұтымды пайдалану, геология, қайта өңдеу, жаңа материалдар мен технологиялар, қауіпсіз бұйымдар мен конструкциялар» басымдылығы бойынша ғылыми зерттеулер жүргізіле бастады:
- «Сирек металдардың минералды-шикізат базасын нығайту мақсатында қалайы-тантал-литий кенденуінің дәстүрлі емес түрлерінің қалыптасу заңдылықтары, болжау критерийлері және перспективаларын бағалау (Шығыс Қазақстан)» жетекшісі PhD докторы, доцент Н.А. Зимановская (мерзімі 2020-2022 жж.).
- «Сирек металдардың минералдануын анықтау мақсатында Шығыс Қазақстан көлдеріне гидрохимиялық зерттеулер жүргізу» жетекшісі PhD докторы, декан Б.Б. Амралинова (мерзімі 2020-2022 жж.).
- «Қазақстан бөлігі шегінде Үлкен Алтай мен жартасты таулардың (Колорадо штаты) сыни металдардың кен орындарын болжау мен іздеудің ғылыми-әдістемелік негізін әзірлеу» жетекшісі геология-минералогия ғылымдарының докторы, профессор Б.А. Дьячков (мерзімі 2020-2022 жж.).
- «Сирек металдардың минералдық-шикізат базасын нығайту мақсатында қалайы-тантал-литий кенденуінің дәстүрлі емес типтерінің қалыптасу заңдылықтары, болжау критерийлері және перспективаларын бағалау (Шығыс Қазақстан)»
Жобалардың идеясы өңірде сирек металдардың жаңа дәстүрлі емес көздерін анықтау мүмкіндігін ғылыми негіздеу болып табылады.
Алынған нәтижелер Шығыс Қазақстандағы геологиялық барлау жұмыстарының кейінгі жылдарға арналған мемлекеттік бағдарламаларын әзірлеу кезінде пайдаланылатын болады.