Қазақстанда заманауи геологиялық зерттеу жүргізетін зертханалық кешен құрылады

«Ұлттық геологиялық қызмет» АҚ базасында сертификатталған зертханалық кешен құрылуда. Кешенге зертханалар, қор сақтау және керн сақтау қоймалары кіреді. Қаржыландыру — 14 млрд теңге, іске қосу — 2028 жылдың желтоқсанында.

2026 жылы геология және жер қойнауын пайдалану: 20 карталау жобасы және ашық аукциондар
2026 жылға арналған басымдықтар:

* 1:50 000 масштабында 20 геологиялық карталау жобасын жүзеге асыру;
* Жер қойнауы кодексіне енгізілген өзгерістерді іске асыратын нормативтік актілерді бекіту;
* Мемлекеттік бақылау функцияларын (ТПИ, ОПИ, старательдік) ажырату және Геология комитетінің қарауына беру;
* Жер қойнауы мемлекеттік қорының бірыңғай кадастрын цифрландыру;
* Елдің барлық аумағын Жер қойнауы мемлекеттік қоры басқару бағдарламасына ашу;
* 50 кен орнында ТПИ барлау және өндіру бойынша электрондық аукциондар өткізу.