Жер қойнауын сараптау жөніндегі мемлекеттік комиссияның Батыс Қазақстан кіші комиссиясының отырысы

Ағымдағы жылдың 19 желтоқсанында «Ақтөбе облысы Мұғалжар ауданы Жұрын ауылын жер асты суларымен қамтамасыз ету үшін іздестіру-барлау жұмыстары объектісі бойынша 2024-2025 жылдары орындалған жұмыстардың нәтижелері туралы есепті қарау» бойынша Жер қойнауын сараптау жөніндегі мемлекеттік комиссияның Батыс Қазақстан кіші комиссиясының отырысы өтті.

01.11.2025 ж. жағдай бойынша жерасты суларының пайдалану қорлары есептелді.

Іздестіру-барлау жұмыстарын «Акпан» ЖШС 2024-2025 жылдар аралығында 17.04.2024ж. №41 шартқа сәйкес және «Ақтөбе облысының энергетика және тұрғын үй-коммуналдық шаруашылық басқармасы» ММ берген техникалық ерекшелікке және бекітілген жобалау-сметалық құжаттамаға сәйкес орындады.

Техникалық ерекшелікке сәйкес негізгі міндет тәулігіне 500 м³ суға сұранысы бар Журын учаскесі шегінде жер асты суларының қорларын бағалау болды. Су тартудың жұмыс мерзімі 10 000 тәулікке дейін, жер асты суларының сапасы 20.02.2023ж. №26 санитарлық ережеге сәйкес болуы тиісті.

Есепте жұмыс учаскесі, геологиялық-гидрогеологиялық және геофизикалық зерделеу; геологиялық құрылымы, геоморфологиялық, гидрологиялық және гидрогеологиялық жағдайлары, орындалған жұмыстардың түрлері, әдістемесі мен көлемі; аумақтың санитарлық сипаттамасы және су тартуды санитарлық қорғау аймақтарының негіздемесі туралы қажетті мәліметтер келтірілген.

Журын учаскесінің бекітуге ұсынылған жерасты суларының баланстық пайдалану қорлары бағаланған нақты мәліметтердің дұрыстығы бастапқы материалдарды заттай салыстыру және оларды қорларға сақтауға тапсыру актілерімен расталады.

Жер асты суларының пайдалану қорларын бағалау гидродинамикалық әдіспен орындалды және баланстық әдіспен расталды. Табиғи орта қысымсыз шектеусіз қабат ретінде дұрыс сызылған.

Жобалық су алу ұңғымасында пайдаланудың соңына есептік төмендеу (10 000 тәулік) 17,1 м құрайды, бұл рұқсат етілген 34,0 м төмендеуден едәуір аз.тәулігіне 500 м³ мөлшеріндегі пайдалану қорлары тәулігіне 2000 м³ мөлшеріндегі табиғи қорлармен және тәулігіне 2079 м³ мөлшеріндегі табиғи ресурстармен қамтамасыз етілген.

Журын-2 су алу учаскесінде жер асты суларын одан әрі пайдалану ауданның жалпы су балансына және қоршаған табиғи ортаға әсер етпейді.