Ақмола облысындағы геологиялық іздеу жұмыстары туралы
Ақмола облысында «Қазақстан Республикасы аумағының жер қойнауын ұтымды және кешенді пайдалануды қамтамасыз ету және геологиялық зерттеуді арттыру» республикалық бюджеттік бағдарламасы шеңберінде алаңдардың геологиялық құрылысын зерттеуге және пайдалы қазбалар кен орындарын болжауға бағытталған өңірлік геологиялық зерттеулер жоспарлы түрде жүргізіледі.
2025 жылы Ақмола облысы Есіл ауданындағы Приишим- Шоптыкольский кенді түйінінің Шоптыкольский учаскесінде іздеу жұмыстары жалғасты. Жұмыстарды «Геобайт-Инфо» ЖШС жүргізеді. Міндеті Р1 санатындағы болжамды ресурстарды бағалау, алдын ала геологиялық-экономикалық бағалау және алдағы геологиялық барлау жұмыстарын негіздеу болып табылады.
2025 жылы барлық далалық жұмыстар аяқталды. Барлау мен іздеуге арналған маршруттар өтілді, топогеодезиялық және магниттік зерттеулер жүргізілді. Жұмыс барысында 211 карталау және 18 іздеу ұңғымалары бұрғыланып, тіркелді. Олардың әрқайсысында геофизикалық өлшеулер кешені жүргізілді.
Қазіргі уақытта іздеу ұңғымаларынан сынамаларды іріктеу және талдау жүргізілуде. Карталау ұңғымаларынан алынған материалдар бойынша зертханалық зерттеулер аяқталды.
Жобаны аяқтау және есепті ұсыну 2026 жылдың төртінші тоқсанына жоспарланған.
«Солтүстікқазжерқойнауы» ӨД Ақмола өңірлік инспекциясы.