Құмар ойындарға қатысу үшін жауапкершілік

Ағымдағы жылдың 28 тамызында «Солтүстікқазжерқойнауы» ӨД Әдеп жөніндегі уәкілі Д. Амриновтың ұжыммен кездесуі өтті, оның барысында қызметкерлерге ойын бизнесі мәселелері бойынша қолданыстағы заңнамаға өзгерістер жеткізілді.

«Сыбайлас жемқорлыққа қарсы іс-қимыл туралы» Заңға толықтырулар енгізілді -12-баптың 1-тармағы (Сыбайлас жемқорлыққа қарсы шектеулер) 6-тармақшамен толықтырылды:

«1. Жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың..., өдеріне:

6) «Ойын бизнесі туралы» Қазақстан Республикасының Заңында көзделген анықтамаға жататын ойын мекемелерінде құмар ойындарға және (немесе) бәс тігуге қатысу, сол сияқты құмар ойындарға және (немесе) бәс тігуге сол үшін бөлінбеген орындарда қатысу немесе телекоммуникация желілерін, оның ішінде Интернет желісін пайдалану арқылы өткізілетін құмар ойындарға және (немесе) бәс тігуге қатысу бойынша сыбайлас жемқорлыққа қарсы шектеулерді қабылдайды.»

Мемлекеттік лауазымға тағайындалатын адамдардың бұл шектеуді қабылдамауы лауазымға қабылдаудан бас тартуға әкеп соғады, мемлекеттік лауазымды атқаратын адамдардың оны сақтамауы жұмыстан шығару үшін негіз болып табылады.