2025 жылға арналған мемлекеттік қызметтер жәрмеңкесі

2025 жылғы 21 тамызда Қазақстан Республикасы Мемлекеттік қызмет істері агенттігінің бастамасымен «Шығысқазжерқойнауы» ӨД РММ ғимаратында «2025 жылға арналған мемлекеттік қызметтер жәрмеңкесі» өткізілді.

Жәрмеңкенің негізгі қағидаты-қоғамда сыбайлас жемқорлыққа қарсы мәдениетті қалыптастыру, мемлекетік қызметтерді алу тәртібі, шағымдану тәсілдері, Egov.kz «Электрондық үкімет» порталының мүмкіндіктері туралы ақпаратты халыққа жеткізу.

Қазақстан Республикасының Цифрлық даму, инновациялар және аэроғарыш өнеркәсібі министрінің м.а. 2020 жылғы 31 қаңтардағы № 39/НҚ бұйрығымен бекітілген «Мемлекеттік көрсетілетін қызметтер тізіліміне» сәйкес «Шығысқазжерқойнауы» ӨД РММ келесі қызметтерді көрсетеді:

• «Су объектілерінің сарқылуына жол бермеуге бағытталған су қорғау іс-шараларын келісу»;
• «Су объектілерінің жай-күйіне әсер ететін объектілерді салу, реконструкциялау (кеңейту, жаңғырту, техникалық қайта жарақтандыру, қайта бейіндеу), пайдалану, консервациялау, жою (кейіннен кәдеге жарату) қорытынды беру».

Геология және су ресурстарын пайдалану саласындағы мемлекеттiк көрсетілетін қызметтерді көрсету қағидалары Қазақстан Республикасы Экология, геология және табиғи ресурстар министрінің м.а. 2020 жылғы 22 мамырдағы № 117 бұйрығымен бекітілген. Бұл бұйрыққа өзгерістер 2021 жылғы 29 маусымдағы № 220 енгізілді.

• Өтінішті қабылдау және мемлекеттік қызмет көрсету нәтижесін беру «электрондық үкімет» веб-порталы арқылы www.egov.kz, www.elicense.kz электрондық түрде жүзеге асырылады;
• Мемлекеттік қызмет көрсету нысаны: электрондық;
• Мемлекеттік қызметтер жеке және заңды тұлғаларға тегін көрсетіледі;
• Мемлекеттік қызмет көрсету мерзімі: 5 жұмыс күні.