2024 жылдың 12 сәуірінде Қаныш Имантайұлы Сәтбаевтың 125 жылдығына арналған Ғылым Академиясының ұлы геологы, геология-минералогия ғылымдарының докторы, профессор, Ғылым академиясының Қазақ филиалы Геология институтының бірінші директоры ескерткішіне гүл шоқтарын қою рәсімі өтті.

Салтанатты шараға Қарағанды облысы әкімінің орынбасары Құсайын Ерлан Бейсенбайұлы, Әбілқас Сағынов атындағы Қарағанды техникалық университетінің «Пайдалы қазбалар кен орындарын игеру» кафедрасының техника ғылымдарының кандидаты, профессоры Арыстан Ибатолла Дайырұлы, «Орталыққазжерқойнауы» ӨД басшысы Маукулов Нурлан Уразбекович, ардагерлер, депутаттар, қала тұрғындары мен жастары қатысты.

Қарағанды облысы әкімінің орынбасары Құсайын Ерлан Бейсенбайұлы, Әбілқас Сағынов атындағы Қарағанды техникалық университетінің «Пайдалы қазбалар кен орындарын игеру» кафедрасының профессоры, техника ғылымдарының кандидаты Арыстан Ибатолла Дайырұлы құттықтау сөз сөйледі.

Салтанатты шара барысында көрнекті ғалым геолог Қаныш Имантайұлы Сәтбаевтың ескерткішіне гүл шоқтары қойылды.