2024 жылдың 12 сәуірінде Семей қаласындағы Ы. Алтынсарин атындағы №37 гимназиясының базасында Қазақстан республикасының еңбек сіңірген мұғалімі, «Құрмет» орденінің иегері Қанипа Бітібаева атындағы қазақ тілі мен әдебиеті бойынша республикалық олимпиаданың облыстық кезеңі өтті. Олимпиаданың мақсаты: Қазақстан республикасының дарынды оқушыларын анықтау, дамыту және қолдау, «Құрмет» орденінің иегері Қанипа Бітібаеваның өмірі мен шығармашылық мұрасын насихаттау.
Олимпиада 2 кезеңнен тұрды.
І кезең – жазбаша – эссе;
ІІ кезең –жазбаша- қазақ тілі, қазақ әдебиеті бойынша теориялық, практикалық тапсырмалар, Қ. Бітібаеваның өмірі мен оның ғылыми мұрасы, публицистикалық еңбектері туралы тапсырмалар берілді. Олимпиадаға мектебімізден 10- сынып оқушысы Кайсанова Карина мен 11- сынып оқушысы Жанахмет Мадина қатысып қайтты. Жанахмет Мадина жүлделі ІІІ орынға ие болды. Жетекшісі: Матанова Алма Секеновна. Білім додасында жақсы нәтиже көрсете білген Мадинаны және жетекшісі Матанова Алма Секеновнаны жеңісімен құттықтаймыз!
