Тарбағатай ұлттық паркінде тұяқтылардың саны былтырғымен салыстырғанда 9%-ға өскен

Ұлттық парк аумағында жабайы жануарлардың қысқы санағы аяқталды. Санақты барлық инспекторлық құрам мен ғылым бөлімі бірлесіп өткізді. Парк аумағында 200 шақырымнан астам маршруттық есеп жүргізілді. Алайда ұлттық парк аумағының бөлшектенуі нақты санауға мүмкіндік бермейді, өйткені жануарлар үнемі бір жерде тұрмайды, маусымдық көші-қон кезінде олардың саны едәуір артады. Жануарлардың санағы қысқы маршруттық есепке алу әдісімен, сондай-ақ таулы аймақтарда фототұзақ құрылғысымен жүргізілді. 2023 жылғы деректерді талдай отырып, жануарлар санының оң динамикасын атап өтуге болады. Оған қыс мезгілінде азықтандыруды қоса алғанда, жабайы табиғатты қорғау бойынша жүргізіліп жатқан жұмыстар айтарлықтай әсер етті. Олардың саны жыл сайын артып келеді. Өткен жылмен салыстырғанда тұяқтылардың 8-9% - ға өсуі байқалады, соңғы 4 жылда тұяқтылардың саны 31% - ға өсті. Жануарлардың аштықтан немесе аурудан өлу факторлары байқалмады. Жалпы алғанда, санның көрсеткіштерінің ауытқуы парк учаскелерінің орналасуын ескере келе қалыпты жағдай болып табылады. Қыста жануарлардың көп бөлігі аз қарлы жерлерге немесе парк аумағынан тыс жерлерге көшеді. Қарабас және Арқалы таулары қар жамылғысының болмауына және жем-шөп базасының көптігіне байланысты жабайы қойлар үшін қысқы шоғырлану орны болып табылады.