Ұлттық парктерде бақылау жүйесін жетілдіру мәселелері талқыланды

2025 жылғы 13 шілдеде Орман шаруашылығы және жануарлар дүниесі комитетінің төрағасы Д.Тұрғамбаев Алматы облысына жұмыс сапарымен барды. Сапар барысында ол «Алтын Емел», «Шарын», «Көлсай көлдері» және «Іле - Алатауы» ұлттық парктерінің басшыларымен кеңес өткізді.

Кеңесте ерекше қорғалатын табиғи аумақтарды тиімді басқару, бақылау-өткізу бекеттерін автоматтандыру, туристік ағынды реттеу және қауіпсіздікті қамтамасыз ету мәселелері талқыланды. Сонымен қатар, комитет төрағасы автоматтандыру жүйесін, туристердің келу маусымын және табиғи объектілердің жұмысын жүйелі түрде қадағалауды тапсырды.

Іле-Алатауы ұлттық паркінде Алмарасан бақылау бекеті жаңа автоматтандырылған жүйемен жұмыс істей бастады. Бұл-табиғи аумақтарды тиімді басқару мен келушілерге қолайлы әрі қауіпсіз жағдай жасау жолындағы маңызды қадам.