«Бекіре-2025» акциясы Үйлестіру штабының бірінші отырысы өтті

2025 жылғы наурызда ауыл шаруашылығы, Ішкі істер министрлері мен ҚР Ұлттық қауіпсіздік комитеті төрағасының бірлескен бұйрығымен Үйлестіру штабының құрамы және Жайық-Каспий бассейнінде "Бекіре-2025" балық қорғау акциясын өткізу жөніндегі іс-қимыл жоспары бекітілді.

Жыл сайын 1 сәуірден 31 мамырға дейін Атырау, Маңғыстау және Батыс Қазақстан облыстарының аумақтарында өткізілетін Акция уылдырық шашу кезеңінде бекіре және басқа да бағалы балықтарды қорғауға бағытталған, бұл қорлардың өсімін молайтуға, азық-түлік қауіпсіздігіне және жұмыс орындарын құруға ықпал етеді.

Штабтың бірінші отырысында іс-шараны ұйымдастырудың негізгі мәселелері қаралды. Негізгі шаралардың қатарында-қатысушылардың іс-қимылдарын күнделікті үйлестіру, бірлескен рейдтер жүргізу және Жайық-Каспий облысаралық балық шаруашылығы бассейндік инспекциясы арқылы аралық қорытындылар шығару.

Акцияға 1500 қызметкер қатысады (Атырау облысында 604, Батыс Қазақстан облысында 222, Маңғыстау облысында 600-ден астам), сондай-ақ 84 қайық, 298 автомобиль және квадроцикл, 6 пилоттық дрон қатысады, қосымша бейнекамералар мен жағалаудағы радиолокациялық станциялардың 3 жиынтығы орнатылады.

"Бекіре-2024" акциясының қорытындысы бойынша 945 бұзушылық тіркелді, 694 адам жауапқа тартылды, 71 қылмыстық іс қозғалды және 19,4 млн теңгеге айыппұл салынды, сондай-ақ 11 тоннадан астам балық, оның ішінде 2 тоннадан астам бекіре, 8,3 кг уылдырық, 1578 бірлік заңсыз құрал және 44 бірлік жүзу құралдары тәркіленді.