Қызылорда облысында «Таза су айдындары» табиғатты қорғау акциясы өтті

2025 жылғы 15 наурыздан 31 мамырға дейін өткізілетін «Таза су айдындары» республикалық акциясы шеңберінде Қызылорда облысы Шиелі және Жаңақорған аудандарының Таушұқыры су айдындарында су айдындарын тасталған аулардан тазарту жүргізілді. Іс-шараны ҚР АШМ Балық шаруашылығы комитетінің Арал-Сырдария облысаралық бассейндік балық шаруашылығы инспекциясы қызметкерлері жергілікті атқарушы органдармен бірлесіп ұйымдастырды.

Іс-шараға 12 адам қатысып, 3 техника жұмылдырылды. Акция барысында жалпы ұзындығы 500 метрден асатын жеке жіптерден және жеке мата жіптерден жасалған аулар алынды, сондай-ақ 400 кг-ға жуық түрлі қоқыстар жиналып, шығарылды.

Акцияның мақсаты су айдындарын тастанды аулардан тазарту және өңірдегі су объектілерінің жағдайын жақсарту болып табылады.