«Қазақстанның инвестициялық қоры» АҚ ғимараттар мен құрылыстарға түгендеу жүргізу бойынша шаралар қабылдады

Республикалық бюджеттің атқарылуын бақылау жөніндегі есеп комитеті 2020 жылдың бірінші тоқсанында «Бәйтерек» ұлттық басқарушы холдингі» АҚ-ның және оның еншілес компанияларының республикалық бюджет қаражатын және квазимемлекеттік сектор активтерін пайдалануының тиімділігіне мемлекеттік аудит жүргізді.

«Қазақстанның инвестициялық қоры» АҚ-да (ҚИҚ) жүргізілген аудит барысында мүлікті жалдау шартын жасаспай беру фактісі анықталды, осыған байланысты ҚИҚ-қа ғимараттар мен құрылыстарға бөгде жеке және заңды тұлғалардың оларды азаматтық-құқықтық мәміле жасаспай пайдалануы тұрғысынан түгендеу жүргізу бойынша шаралар қабылдау, анықталған фактілер бойынша жалдау шартын жасасу тапсырылды.

Есеп комитетінің тапсырмасына сәйкес ҚИҚ мүлікке бөгде жеке және заңды тұлғалардың оларды азаматтық-құқықтық мәміле жасаспай пайдалануы тұрғысынан түгендеу жүргізді. Жүргізілген жұмыс нәтижесінде 14 объекті бойынша 10 жалдау/сенімгерлік басқаруға беру шарты және 1 жалдау шартына қосымша келісім жасалды, 6 жалдау шарты қайта жасалды.

 

Есеп комитетінің баспасөз қызметі