Энергетика вице-министрі А. Хасенов Үрімші қаласында (ҚХР) Қазақстан мен СНПС арасындағы көмірсутектер саласындағы геологиялық барлау бойынша алғашқы техникалық семинарға қатысты
2023 жылы 21-22 қазанда Үрімші қаласында (ҚХР) Қазақстан мен СНПС компаниясы арасында көмірсутектер саласындағы геологиялық барлау бойынша алғашқы техникалық семинар өтті.
Семинарда қазақстандық тарап Энергетика министрлігі, «Самұрық-Қазына» АҚ, көмірсутектер саласындағы ұлттық компаниялар – «ҚазМұнайГаз» ҰК» АҚ және «QazaqGaz» ҰК» АҚ, жобалау институттар және Қазақстан Республикасы көмірсутектер кен орындарын барлау және әзірлеу жөніндегі орталық комиссиясының тәуелсіз сарапшыларымен ұсынылды. А. Хасенов Энергетика министрлігінің көмірсутектер облысындағы геологиялық саланы дамыту бойынша жүргізіп жатқан жұмыстары туралы баяндама жасады. Энергетика вице-министрі өз сөзінде 2022 жылы бірқатар заңнамалық актілер қабылданғанын, атап өткенде жақсартылған модельдік келісімшарт енгізілгенін, аукцион арқылы жер қойнауын пайдалану құқығын беру рәсімі жеңілдетілгенін және «көмірсутектердің дәстүрлі емес кенжатындары» ұғымы енгізілгенін атап өтті.
Қабылданған бастамаларды іске асыру үшін күтілетін инвестициялар 8 млрд. АҚШ долларынан асатын және кен орындарын жайластыру кезеңінде 4000-ға жуық жұмыс орнын құрайтын күрделі жобалар бойынша ағымдағы жылы жер қойнауын пайдалануға арналған келісімшарттар жасалды. Сондай-ақ, қабылданған реформалардың арқасында 2023 жылдың бірінші жартыжылдығында жер қойнауын пайдаланушылардың геологиялық барлауға жұмсаған шығындары 187 млрд. теңгені құрады, бұл толық 2022 жылмен салыстырғанда 37,8% - ға артық.
Қазіргі уақытта көмірсутектерді геологиялық барлаудың инвестициялық тартымдылығын арттыруға (сейсмикалық барлаудың толық көлемін жүргізу нәтижелері бойынша перспективасыз бұрғылаудан бас тартқаны үшін айыппұлдың күшін жою, сарқылатын (жетілген) кен орындарын игеруді ынталандыру, жер қойнауын пайдаланушының қарсы міндеттемелерімен барлау кезеңін қосымша ұзарту және т. б.) және жер қойнауын пайдаланушылардың қаржылық және әкімшілік шығындарын төмендетуге (жер қойнауын пайдалануға арналған келісімшартқа толықтыру жасасу кезінде тиімсіз сараптамаларды болдырмау, іздеу кезеңінде жобалау құжаттары бойынша хабарлама тәртібін енгізу және т. б.) бағытталған түзетулерді қабылдау бойынша жұмыс жүргізілуде.
Семинар аясында қазақстандық тараптан «Қазақстандағы газ бойынша ресурстық базаның өсуінің жаңа көздері», «Еуразия» және «Торғай-Палеозой» жобаларын қоса алғанда, геологиялық барлау саласындағы жаңа перспективалар» және «Аңсаған кен орнында терең бұрғылау» тақырыптарындағы баяндамалары ұсынылды. СНПС терең көкжиектердегі, оның ішінде Жоңғар, Тарим және Сычуань бассейндеріндегі геологиялық барлау жұмыстары кезінде алған тәжірибесімен таныстырды.
Семинар нәтижелері бойынша тараптар мұнай мен газды барлау саласындағы соңғы жетістіктермен нәтижелі алмасу, көмірсутектерді терең барлауға ықпал ету үшін өзара толықтыратын артықшылықтар туралы, сондай-ақ одан әрі екі жақты қатынастарды дамыту мақсатында ынтымақтастықты тереңдетуді жалғастыру қажеттігі туралы мәлімдеді.