Цифрлық жанармай картасын енді Apple және Google электрондық әмияндарына қосуға болады
Цифрлық жанармай картасын алып, Apple мен Google электрондық әмияндарына қосуға және жүргізуші куәлігін және/немесе көлік құралын тіркеу куәлігін көрсетпей-ақ, дизельдік отынды сараланған бағамен (1 литр үшін 295 теңге) сатып алуға болады.
Тегін сервисті Freedom Bank ҚР Энергетика министрлігі және «Ұлттық ақпараттық технологиялар» АҚ-мен бірлесіп іске асырды. Құжат жүргізуші куәлігі бар барлық қазақстандықтар үшін қандай да бір қосымшаларды ашпай-ақ, бір рет басу арқылы қолжетімді.
Цифрлық құжатты алу үшін Freedom Bank сайтының «Цифрлық құжаттар» бөліміне кіріп, екі минут ішінде онлайн бірнеше қадам жасау жеткілікті. Ол үшін банктің клиенті болу міндетті емес, қызметті кез келген адам пайдалана алады.
Цифрлық жанармай картасын ашу тек жеңіл автокөлік жүргізушілеріне қолжетімді. Жүк көлігінің иелері сервисті eGov mobile мобильді қосымшасында алдын ала авторизациядан өткеннен кейін пайдалана алады.
Сондай-ақ аталған картаны банктің сайтында алған кезде жеке куәлік, жүргізуші куәлігі және техникалық төлқұжат электрондық әмиянға автоматты түрде қосылады. Бұл цифрлық құжаттар Қазақстан аумағында құжаттың ресми түрі болып табылады және қағаз нұсқасымен қатар қолданылады.
ҚР Энергетика министрлігінің бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаларды белгілеу туралы бұйрығымен Қазақстан Республикасында берілген жүргізуші куәлігін көрсеткен кезде дизель отынының лимиті күніне 100 литр көлемде бір литр үшін 295 теңге бағамен белгіленген, ал Қазақстан Республикасында көлік құралдарын тіркеу туралы куәлікті көрсеткен кезде жүк, арнайы, мамандандырылған көліктер мен автобустар үшін бекітілген лимит 300 литр үшін тәулігіне 1 литр үшін 295 теңге бағамен сатылатынын еске саламыз.
Қалған санаттағы адамдарға, сондай-ақ көрсетілген лимиттерден жоғары дизель отыны 1 литр үшін 450 теңгеден босатылады.
Жанармай картасы және жанармай құю станцияларының тізімі бойынша сұрақтар туындаған жағдайда жұмыс уақытында осы телефон нөмірлері бойынша хабарласуға болады: + 7 (747) 897-9781, картаны Wallet-ке қосу мәселелері бойынша: 595.