Өндіріcті оқшаулау Ұлттық жоба семинарының негізгі тақырыбына айналды
Астанада мемлекеттік органдардың, табиғи монополия субъектілерінің, жобалау ұйымдарының, отандық өндірушілер мен салалық қауымдастықтардың өкілдерін біріктірген энергетикалық секторды жаңғырту Ұлттық жобасындағы өндірісті оқшаулау тақырыбындағы семинар-кеңес өтті.
Іс-шара бағдарламасы үш параллель алаңның жұмысын қамтыды: өндірісті оқшаулау мәселелерін талқылауға арналған конференциялық аймақ, қазақстандық өндірушілердің көрме аймағы, сондай-ақ табиғи монополия субъектілері мен отандық бизнес арасында тікелей келіссөздер мен консультациялар өткізуге арналған B2B алаңы.
Іс-шараға энергетика вице-министрі Бақытжан Ілияс қатысты. Өз сөзінде ол 2025–2029 жылдарға арналған энергетикалық және коммуналдық секторларды жаңғырту жөніндегі Ұлттық жоба энергетикалық және коммуналдық инфрақұрылымды жаңартуға, халыққа көрсетілетін қызметтердің сенімділігін арттыруға және экономиканың орнықты дамуына жағдай жасауға бағытталғанын атап өтті.
Сонымен қатар Ұлттық жоба аясында 200-ден астам табиғи монополия субъектісінің активтерін және кемінде 60 электр және жылумен жабдықтау ұйымын жаңғырту мен жаңарту, сондай-ақ инфрақұрылымның тозу деңгейі мен апаттылықты төмендету көзделгені айтылды.
Қатысушылар жабдық өндірісін оқшаулау, отандық өнеркәсіпті дамыту, инженерлік құзыреттер мен технологиялық кооперация мәселелеріне ерекше назар аударды. Ұлттық жоба тек инфрақұрылымды жаңғырту бағдарламасы ғана емес, сонымен қатар қазақстандық өндіріс пен жаңа технологиялық шешімдерді дамытудың драйверіне айналуы тиіс екені атап өтілді.
Семинар барысында отандық өндірушілердің ұлттық инфрақұрылымдық және энергетикалық жобаларды іске асыруға қатысуын кеңейту тетіктері, өнімнің қолданыстағы стандарттарға сәйкестігі, сатып алу рәсімдерін жетілдіру, сапаны растау жүйесін және сервистік сүйемелдеуді дамыту мәселелері талқыланды.
Сондай-ақ отандық тауар өндірушілер тізілімін, өндірістер картасы мен тапшылық картасын қалыптастыру, оффтейк-келісімшарттар мен офсеттік келісімдерді дамыту, тарифтік әдістемені және заманауи технологияларды, автоматтандыру мен аспаптандыруды қаржыландыру көздерін жетілдіру мәселелері қаралды.
Жоспарланған сатып алулардың ашықтығын арттыру және қазақстандық өндірушілер өндірісті алдын ала жоспарлап, технологияларға инвестиция салып, жаңғырту жобаларына түсінікті әрі ашық шарттар негізінде қатыса алатын жағдай жасау қажеттігіне ерекше назар аударылды.
Қатысушылар өнеркәсіптік кооперацияны дамыту, жүйелі кедергілерді жою және МЭКС Ұлттық жобасын іске асыру аясында пилоттық жобаларды іске қосу бойынша практикалық шараларды талқылады.
Семинар қорытындысы бойынша мемлекеттік органдардың, салалық операторлардың, бизнес пен сарапшылар қауымдастығының өндірісті оқшаулауды дамыту, технологиялық әлеуетті нығайту және елдің инфрақұрылымдық жобаларындағы қазақстандық қамту үлесін арттыру бағытындағы өзара іс-қимылды жалғастыруға дайын екені расталды.