Ерлан Ақкенженов Ресейдің энергетика блогының басшылығымен бірқатар кездесулер өткізді

​Мәскеуде Қазақстан Республикасының Энергетика министрі Ерлан Ақкенженов Ресей Федерациясы Үкіметі Төрағасының орынбасары Александр Новакпен және РФ Энергетика министрі Сергей Цивилевпен кездесті.

​Келіссөздер барысында тараптар энергетика саласындағы екіжақты ынтымақтастықтың өзекті мәселелерін, соның ішінде мұнай-газ саласы мен электр энергетикасындағы өзара іс-қимылды, сондай-ақ бірлескен инфрақұрылымдық жобаларды дамытуды талқылады.

​Тараптар стратегиялық серіктестікті одан әрі нығайтуға және энергетика саласындағы өзара іс-қимылды тереңдетуге мүдделі екендіктерін растады.

​Кездесулер қорытындысы бойынша екі ел экономикасының тұрақты дамуы мен энергетикалық қауіпсіздігін қамтамасыз етуге бағытталған белсенді диалогты жалғастыру және бірлескен жобаларды пысықтау туралы уағдаластыққа қол жеткізілді.