Ерлан Ақкенженов QazaqGaz-дың 25 жылдығына орай газ саласының қызметкерлеріне мемлекеттік наградалар табыстады

QazaqGaz ұлттық компаниясының 25 жылдығына арналған салтанатты жиында мемлекеттік және ведомстволық наградалар табысталды. ҚР Энергетика министрі Ерлан Ақкенженов Мемлекет басшысының атынан газ саласының қызметкерлеріне мұнай-газ саласын дамытуға және энергетикалық әлеуетті нығайтуға қосқан елеулі үлесі мен көпжылдық адал еңбегі үшін «Құрмет» ордені мен «Ерен еңбегі үшін» медалін табыстады.

«Газ саласы — Қазақстанның энергетикалық қауіпсіздігінің тірегі. Бүгінгі марапаттар — сіздердің елдің орнықты дамуына қосқан зор үлестеріңіздің мойындалуы», — деді ҚР Энергетика министрі Ерлан Ақкенженов марапаттау рәсімі барысында.

Сондай-ақ, Ерлан Ақкенженов газ саласының ардагерлері мен кәсіпорын қызметкерлеріне «QazaqGaz» мерейтойлық медалін, Энергетика министрлігінің «Еңбек ардагері» медалін, «Мұнай-газ саласының еңбек сіңірген қызметкері» төсбелгісін, сондай-ақ «Мұнай-газ саласының дамуына қосқан үлесі үшін» ведомстволық медальдарын табыстады. Бұл наградалар еліміздің экономикасы мен энергетика саласын дамытуға қосқан зор үлестің айқын дәлелі болды.