ҚР Энергетика министрінің Қазақстан Конституциясының 30 жылдығына орай құттықтауы

Құрметті отандастар!

Сіздерді Қазақстан Конституциясының 30 жылдығымен шын жүректен құттықтаймын!

Осы үш онжылдық ішінде Ата Заңымыз тәуелсіз мемлекетіміздің берік іргетасына айналып, ел бірлігін қамтамасыз етті, құқықтық тәртіпті нығайтты және еліміздің жүйелі дамуына жағдай жасады. Конституция Қазақстанға жаңғыруға, өркендеуге және халықаралық беделін арттыруға жол ашты.

Заң үстемдігі мен тұрақтылықтың арқасында еліміз стратегиялық басымдықтарын табысты жүзеге асырып келеді. Солардың ішінде энергетика саласының орны ерекше. Бүгінде Қазақстан энергетикалық инфрақұрылымды жаңғыртуға, мұнай-газ саласында ауқымды жобаларды іске асыруға, жаңартылатын энергия көздерін енгізуге, энергия тиімділігін арттыруға және энергиямен жабдықтаудың сенімділігін күшейтуге бағытталған кең көлемді жұмыстар жүргізуде. Мұның бәрі – азаматтардың өмір сүру сапасын арттыруға және мемлекетіміздің экономикалық әлеуетін нығайтуға қызмет етеді.

Осы айтулы күні Энергетика министрлігінің және өз атымнан сіздерге бейбіт өмір, амандық және Отанымыздың өркендеуі жолындағы жаңа жетістіктер тілеймін! Конституция әрқашан әділеттіліктің, бірліктің және Қазақстанның ілгерілеуінің символы бола берсін.

Құрметпен,
Ерлан Ақкенженов
ҚР Энергетика министрі