Энергетика министрлігінде 2026–2027 жылдарға арналған электростанцияларды жөндеу науқанының жоспарлары қаралды

Атомдық және энергетикалық қадағалау мен бақылау комитеті «KEGOC» АҚ ұлттық қадағалау орталығымен бірлесіп, блоктық электр станцияларында 2026-2027 жылдарға арналған жөндеу науқанының жоспарларын қарады.

Осылайша, «ЕЭК» АҚ электр станциясында № 4, 5 энергоблоктарды күрделі жөндеу жоспарланған. «Екібастұз МАЭС-2 станциясы» АҚ кеңейтілген түрде  № 1 энергоблокқа ағымдағы жөндеу және № 2 энергоблокқа ағымдағы жөндеу, «Екібастұз МАЭС-1» ЖШС № 6 энергоблокқа күрделі жөндеу және кеңейтілген түрде № 2 энергоблокқа ағымдағы жөндеу.

Отырыс қорытындысы бойынша электр станцияларының бірінші басшыларына нұсқау берілді:

- жөндеу жұмыстарының сапалы және уақытылы орындалуын қамтамасыз ету, жабдықты жөндеуден шығару және іске қосу мерзімдерін бақылау;

- 2025-2026 жылдардың күзгі-қысқы кезеңінен өту кезінде электр станцияларының тұрақты жұмысын қамтамасыз ету;

- жөндеу жұмыстарының кестесінің сақталуын қамтамасыз ету.